மன்னார் முசலி பிரதேசத்தில் தனிமைப்படுத்தப்பட்டிருந்த ஒருவருக்கு கொரோனா தொற்று உறுதிப்படுத்தப்பட்டுள்ளதாக மன்னார் பிராந்திய சுகாதார சேவைகள் பணிப்பாளர் ரி. வினோதன் தெரிவித்தார்.
கடந்த 19ஆம் திகதி நீர்கொழும்பு சிலாபம் பகுதியில் இருந்து முசலி சவேரியார் புரத்திற்கு மீன்பிடிப்பதற்கு வருகைதந்த ஆறு பேரில் 3 வருக்கு கொரோனா தொற்று உறுதிசெய்யப்பட்டதை அடுத்து மீதமுள்ள மூவரும் தனிமைப்படுத்தப்பட்டிருந்தனர்.
அவர்களிடம் பி.சி.ஆர் பரிசோதனை மேற்கொள்ளப்பட்ட போதே அதில் ஒருவருக்கு கொரோனா தொற்று உறுதியானது. இந் நிலையில் குறித்த நபருடன் தொடர்பில் உள்ள இருவரும் மேலும் தனிமைப்படுத்தப்பட்டனர்.
